اروشی نے تھروتو پیالے ۔2 کے ہندی ریمیک کی شوٹنگ مکمل کی

ممبئی، 2 جنوری (یو این آئی) بالی وڈ اداکارہ اروشی نےتمل سپرہٹ فلم ’تھروتو پیالے۔

2‘ کے ہندی ریمیک کی شوٹنگ مکمل کرلی ہے۔

اروشی نے 2017 میں ریلیز تمل سپرہٹ فلم ’تھروتو پیالے۔ 2‘ کے ہندی ریمیک کی شوٹنگ مکمل کرلی ہے۔ حالانکہ ابھی تک ہندی ریمیک فلم کا عنوان نہیں رکھا گیا ہے۔ اروشی نے انسٹاگرام ایک خوبصورت ویڈیو کے ساتھ اپنے مداحوں کے ہمراہ اس خبر کو شیئر کیا ہے۔ ویڈیو میں انہیں وارانسی میں گنگا میں کشتی کی سواری سے لطف اندوز ہوتے ہوئے دیکھا جا سکتا ہے۔ ڈائرکٹر سوسی گنیشن کی اس فلم کی شوٹنگ اسی شہر میں



ہوئی ہے۔

اروشی نے لکھا ’’فلم کی شوٹنگ مکمل ہوگئی ہے!! فلم ’پاگل پنتی‘ کے بعد اپنے دو ہیروز ونیت کمار اور اکشے اوبرائے کے ساتھ ہدایتکارسوسی گنیشن کی تمل سپرہٹ فلم ’تھروتو پیالے۔2‘ کے ہندی ریمیک کے لئے میں اپنے آپ کو خوش قسمت محسوس کررہی ہوں‘‘۔

اروشی اس فلم میں گلیمرس اوتار میں بالکل بھی دکھائی نہیں دیں گی۔انہوں نے اپنے کردار کے بارے میں کہا ’’یہ دوسری مرتبہ ہے جب میں ڈی گلیمر اوتار میں نظر آؤں گی، اس فلم میں میں وارانسی کی رہنے والی ایک عام سی لڑکی کے کردار میں ہوں، جسے سوشل میڈیا کی عادت ہے۔